21 ოქტომბერს ადგილობრივი არჩევნებია

Advertisements

“თანამონაწილეობითი დაგეგმვის” პროექტი: თეთრიწყაროს მოსახლეობასთან საჯარო შეხვედრა

2016 წლის 26 ივნისს, გამგეობის სააქტო დარბაზში,  თეთრიწყაროს საზოგადოების წინაშე გაწეული მუშაობის შესახებ  ანგარიშით წარსდგა მუნიციპალიტეტის გამგებელი ბესიკ წიკლაური, შემდეგ კი  მუნიციპალიტეტის  მოსახლეობას შეხვდნენ სამოქალაქო მრჩეველთა საბჭო და არასამთავრობო ორგანიზაცია „მწვანე კავკასია“.

IMG_4575მუნიციპალიტეტის გამგებელმა საზოგადოებას წარუდგინა სამოქალაქო მრჩეველთა საბჭოს ახალი თავმჯდომარე გიორგი აბულაძე, რომელმაც ისაუბრა საზოგადოების ჩართულობის  ამ ახალი ფორმის არსზე.  მან აღნიშნა, რომ საბჭოს მეშვეობით მოხდება ეფექტური კომუნიკაცია მოსახლეობასა და პირდაპირი წესით არჩეულ გამგებელს შორის, საზოგადოების  მონაწილეობით მოხდება მუნიციპალიტეტის ბიუჯეტის, მნიშვნელოვანი პროექტების და გეგმების წინასწარი განხილვა და ხაზი გაუსვა თეთრიწყაროში ტურისტული ინფრასტრუქტურის განვითარებისა და ინვესტიციების მოზიდვის შესაძლებლობებს, რაც გააუმჯობესებს მუნიციპალიტეტის ეკონომიკას, ახალგაზრდობის დასაქმებისა და ემიგრანტების სამშობლოში დაბრუნების პერსპექტივას შექმნის.

პროექტის „თანამონაწილეობითი დაგეგმვა ურბანულ დაასახლებაში“ საზოგადოებასთან ურთიერთობის მენეჯერმა ლიზი სოფრომაძემ ისაუბრა  პროექტის ფარგლებში სამოქალაქო მრჩეველთა საბჭოსთან ერთად „მწვანე კავკასიას“ მიერ დაგეგმილ პროცესზე, რომელიც ქ. თეთრიწყაროს ცენტრალური უბნების განვითარების დაგეგმვაში მოსახლეობის აქტიურ ჩართვას ითვალისწინებს. ის, თუ როგორი უნდა იყოს ქალაქის ცენტრი, მხოლოდ ხელისუფლების გადასაწყვეტი არ არის, მნიშვნელოვანია თავად თეთრწყაროელების ხედვა და იდეები. საჯარო შეხვედრაზე  დამსწრე მოქალაქეები გამოეხმაურნენ „მწვანე კავკასიას“ მოწოდებას და გამოთქვეს სურვილი, მონაწილეობა მიიღონ პროექტში. შეიქმნა სამუშაო ჯგუფები, რომლებიც მოქალაქეთა იდეებს ქალაქის კეთილმოწყობის კონკრეტულ საპროექტო წინადადებებად ჩამოაყალიბებენ.

პროექტს „თანამონაწილეობითი დაგეგმვა  ურბანულ დასახლებაში“ რეგიონული არასამთავრობო  ორგანიზაცია „მწვანე კავკასია“, თეთრიწყაროს მუნიციპალიტეტის სამოქალაქო მრჩეველთა საბჭოსთან ერთად, ფონდ „ღია საზოგადოება-საქართველოს“ და მუნიციპალიტეტის გამგებლის მხარდაჭერით ახორციელებს.

ქალაქ თეთრიწყაროს მაღალმთიანი დასახლების სტატუსი მიენიჭა

56369_56369_183244_13475135_290438821301149_2732372627321247109_o_650

23 ივნისი, 2016 წელი.

საქართველოს მთავრობის დღევანდელ სხდომაზე მაღალმთიანი დასახლებების ნუსხას 99 დასახლება დაემატა, მათ შორისაა ქალაქი თეთრიწყარო, სოფლები გუდარეხი და ალექსეევკა.

მთის განვითარების ეროვნულმა საბჭომ ამ დასახლებებისთვის სტატუსის მინიჭების თაობაზე 2016 წლის 24 მაისს იმსჯელა.

ამდენად, თეთრიწყაროს მუნიციპალიტეტიდან მაღალმთიან დასახლებათა ნუსხაში ამჟამად შესულია 50 დასახლება, სადაც 6668 ადამიანი ცხოვრობს.

ეს დასახლებებია:

ქ.თეთრიწყარო
დ.მანგლისი
აბრამეთი
ალგეთი
ალექსეევკა
ამლივი
არდისუბანი
არხოტი
ახალი ზირბითი
ახალსოფელი
გოხნარი
გუდარეხი
დიდგორი
დიდი თონეთი
დიდი კლდეისი
დიდი ნამტვრიანი
დრე
ვაკე
ვანათი
ვიზიროვკა
ზემო ახალშენი
ზირბითი
ივანოვკა
იფნარა
კოდის წყარო
ლიპა
მენკალისი
მეორე შამთა
მოხისი
ნავთიანი
ორბეთი
პანტიანი
პატარა თონეთი
პატარა ნამტვრიანი
პატარა კლდეისი
პირველი შამთა
საფუძვრები
უგუდეთი
ქვემო ახალშენი
ქვემო ჭინჭრიანი
ქსოვრეთი
ღვევი
ღოლოვანი
შეხვეტილა
შიხილო
ცხრაკუდაანი
წვერი
წყლულეთი
ჯვარა
ჯვრისხევი

ტრენინგები თეთრიწყაროს მუნიციპალიტეტში მცირე მეწარმეებისათვის

ლოგო 1ლოგო 2           ლოგო 3

“მრავალეროვანი საქართველო” გიწვევთ თეთრიწყაროს მუნიციპალიტეტში მცხოვრებ დამწყებ და მოქმედ მცირე მეწარმეებს ტრენინგში მონაწილეობის მისაღებად.

„მრავალეროვანი საქართველო“ გაეროს განვითარების ფონდის UNDP მხარდაჭერით თეთრიწყაროს მუნიციპალიტეტში ახორციელებს პროექტს სახელწოდებით „ხელი შეეწყოს თეთრიწყაროს მუნიციპალიტეტის მძიმე სოციალური და ეკონომიკური კლიმატის გაჯანსაღებას ადგილზე არსებული ტურისტული პოტენციალის სრულფასოვნად გამოყენების გზით“.

პროექტი ითვალისწინებს თეთრიწყაროს მუნიციპალიტეტში მცხოვრები დამწყები და მოქმედი მცირე მეწარმეების გადამზადებას, რათა მათ უკეთ შეძლონ საკუთარი საქმიანობის სფეროს ტურისტულ პოტენციალთან ინტეგრირება და ამის საფუძველზე საკუთარი შემოსავლების გაზრდა.
ტრენინგში მონაწილეობა შეუძლიათ როგორც მოქმედ მცირე მეწარმეებს, ასევე იმ ახალგაზრდებს, რომლებიც დაინტერესებულები არიან, წამოიწყონ საკუთარი ბიზნეს-საქმიანობა და საკუთარი წვლილი შეიტანონ თეთრიწყაროს მუნიციპალიტეტში ტურისტული პოტენციალის გაჯანსაღების პროცესში.

არ არის შეზღუდვა იმასთან დაკავშირებით, რომ ტრენინგების მსურველი თეთრიწყაროს მუნიციპალიტეტში იყოს რეგისტრირებული, შეიძლება ის ამჟამად თბილისში სწავლობდეს, მაგრამ თეთრიწყაროს მუნიციპალიტეტის ტერიტორიაზე გეგმავდეს რაიმე მცირე ბიზნესის წამოწყებას.

ტრენინგები უფასოა და მასში მონაწილეობას მიიღებს ორი ჯგუფი:
პირველი ჯგუფისათვის ტრენინგი ჩატარდება 9-12 ივლისს, ხოლო მეორე ჯგუფისათვის 12-15 ივლისს.

ტრენინგში მონაწილეობის მსურველებს შეუძლიათ დაუკავშირდნენ “მრავალეროვან საქართველოს” შემდეგ ტელეფონის ნომერზე: 558 74 73 73

ხელისუფლება მოქალაქეებთან ერთად დაგეგმავს ქალაქ თეთრიწყაროს განვითარებას

თწ
osgf logo
GC_logo

2016 წელს ქალაქ თეთრიწყაროს დაარსებიდან 200 წელი უსრულდება.  შუა საუკუნეების ნასოფლარის – გარისის ტერიტორიაზე, 1816 წელს ქართველ გრენადერთა პოლკის განთავსების შემდეგ განვითარდა სამხედრო დაბა. რუსეთის იმპერიის სამხედრო უწყებამ მას „Белый Ключ“ უწოდა. 1930 წლიდან დაბამ რაიონის ადმინისტრაციული ცენტრის ფუნქცია შეიძინა, 1940 წლის 9 ოქტომბერს მას, ქართული თარგმანით, „თეთრიწყარო“ დაერქვა.

თეთრიწყაროთეთრიწყარომ ქალაქის სტატუსი 1966 წელს მიიღო, როცა მისმა მოსახლეობამ 10.000 მცხოვრებს გადააჭარბა. საბჭოთა კავშირის დაშლის შემდეგ ქალაქმა სამხედრო დასახლების ფუნქცია დაკარგა, განადგურდა ადგილობრივი წარმოება, მოსახლეობისგან დაცლა დაიწყო და, 2014 წლის აღწერის მონაცემებით,  3.076 მცხოვრები დარჩა.

მიუხედავად იმისა, რომ თეთრიწყარო მუნიციპალიტეტის ადმინისტრაციული ცენტრია, მდებარეობს თბილისისა და რუსთავის სიახლოვეს, აქვს მაღალი საკურორტო-ტურისტული პოტენციალი, ხოლო XXI საუკუნის დასაწყისიდან საერთაშორისო სატრანზიტო დერეფანშიც მოექცა (ბაქო-თბილისი-ჯეიჰანის ნავთობსადენი, სამხრეთ კავკასიის მილსადენი, ბაქო-თბილისი-ყარსის საერთაშორისო რკინიგზა), ქალაქის განვითარება არ ხდება და 2002-დან 2014 წლამდე პერიოდში მისი მოსახლეობა 23%-ით შემცირდა.

ქალაქი გაზიფიცირებულია, 2010-14 წლებში თითქმის მთლიანად მოხდა წყალსადენების რეაბილიტაცია, მოასფალტდა ქუჩების დიდი ნაწილი. ამდენად, მაღალი ღირებულების ძირითადი საქალაქო ინფრასტრუქტურა უკვე რამდენადმე მოწესრიგებულია, მაგრამ ქალაქს არ გააჩნია რაიმე კონცეფცია ან გეგმა,  რომლის მიხედვითაც მის განვითარებას  მიზანმიმართული ბიძგი მიეცემა.

“მწვანე კავკასია” ვთვლის, რომ ქალაქის განვითარების დაგეგმვა უნდა დაიწყოს მისი ცენტრალური უბნის კეთილმოწყობის პროექტების შემუშავებით, რომელთა განხორციელების შემდეგ თეთრიწყაროში შესაძლებელი გახდება ინვესტიციების მოზიდვა და არსებული პოტენციალის გამოყენება. ის, თუ როგორი უდასაგეგმი ტერიტორია 1ნდა იყოს ქალაქის ცენტრი, მხოლოდ ხელისუფლების გადასაწყვეტი არ არის, მნიშვნელოვანია თავად თეთრწყაროელების ხედვა და იდეები. საზოგადოების მონაწილეობით ქალაქის სივრცით განვითარებაზე ხედვის შესამუშავებლად ადგილობრივმა არასამთავრობო ორგანიზაციამ “მწვანე კავკასია”, მუნიციპალიტეტის სამოქალაქო მრჩეველთა საბჭოსთან ერთად, ფონდ „ღია საზოგადოება-საქართველოს“ მხარდაჭერით, 2016 წლის ივნისიდან დაიწყო პროექტი „თანამონაწილეობითი დაგეგმვა  ურბანულ დასახლებაში“.

დასაგეგმი ტერიტორია 2პროექტის ფარგლებში, მოსახლეობისა და ადგილობრივი ხელისუფლების მიერ ერთობლივად დასაგეგმისივრცე მოიცავს ქალაქის ცენტრალურ უბანს, კერძოდ, თამარ მეფისა  ქუჩისა და ჭავჭავაძის  ჩიხების მიმდებარე ტერიტორიას: „თეთრი წყარო“,  მოედანი, ფუნქციადაკარგული შენობები (ყოფილი კომისარიატი, საბავშვო ბაღი, პროკურატურა, ბიბლიოთეკა და კინოთეატრი), დაცლილი წყალსაცავი („ტბა“) და მათ გარშემო არსებული კეთილმოუწყობელი პარკები და სკვერები.

2016 წლის 26 ივნისს, კვირას, 12 საათზე მუნიციპალიტეტის გამგეობის სააქტო დარბაზში შედგება საჯარო შეხვედრა, სადაც მუნიციპალიტეტის გამგებელი ბესიკ წიკლაური ანგარიშს ჩააბარებს თეთრწყაროელებს გაწეული მუშაობის შესახებ, ადგილობრივი ხელისუფლება საზოგადოებასთან ერთად იმსჯელებს ქალაქის ცენტრალუი უბნების განვითარების პერსპექტივებზე და მსურველებისან სამოქალაქო მრჩეველთა საბჭოსთან შეიქმნება სამუშაო ჯგუფები აღნიშნული ტერიტორიების სამომავლო კეთილმოწყობის კონკრეტული პროექტების შესამუშავებლად.

“მწვანე კავკასიას” იმედი აქვს, რომ თეთრწყაროელები იფიქრებთ და იმსჯელებთ საკუთარი  საცხოვრებელი გარემოს მომავალზე, იმაზე, თუ რა გსურთ, რომ გაკეთდეს ქალაქის ცენტრალური უბნის ამჟამად გამოუყენებელ ტერიტორიებსა და შენობებში ისეთი, რაც ქალაქის განვითარების, ინვესტიციების მოზიდვისა და ადგილობრივი მოსახლეობის დასაქმების თვალსაზრისით იქნება პერსპექტიული.

ასურეთში ტურიზმის განვითარებისათვის

თვითმმართველობის სკოლა ქვემო ქართლის სტუდენტებისთვის

განათლების მიღების შემდეგ მუნიციპალიტეტში საჯარო მოხელედ მუშაობის დასაწყებად სავალდებულოა თვითმმართველობის მარეგულირებელ კანონმდებლობაში ტესტირებული გამოცდის ჩაბარება. ეს განსაკუთრებით რთულია არაქართულენოვანი სტუდენტებისთვის, რომლებიც კვოტირების სისტემით თბილისის უმაღლეს სასწავლებლებში არაიურიდიული სპეციალობებით იღებენ განათლებას.
საჯარო სამსახურის საკონკურსო გამოცდის ბარიერის დაძლევაში დახმარების მიზნით „მწვანე კავკასია“ და „სამოქალაქო კულტურის საერთაშორისო ცენტრი“, გაეროს განვითარების პროგრამის (UNDP) დაფინანსებით, იწყებენ პროექტს თვითმმართველობის სკოლა ქვემო ქართლის სტუდენტებისთვის.
SSS17 - Copy2016 წლის გაზაფხულზე გამოცდილი ლექტორები მსმენელებს მოამზადებენ მუნიციპალურ კანონმდებლობაში, სპეციალურად მათთვის გამოცემული სახელმძღვანელოს მიხედვით. ტრენინგ-სემინარები ჩატარდება ქ.თბილისში, კვირაში სამჯერ, საღამოს საათებში. კურსის ხანგრძლივობა შეადგენს 4 კვირას. სასწავლო პროგრამა მოიცავს ადგილობრივი თვითმმართველობის მოხელეთა ტესტირებულ გამოცდაზე ჩასაბარებელი კანონმდებლობის შესწავლას, რომლის გავლის შემდეგ მსმენელებს გადაეცემათ სერტიფიკატები. საუკეთესო მონაწილეები ივლის-აგვისტოში გაივლიან 1-თვიან სტაჟირებას ქვემო ქართლის მუნიციპალიტეტების გამგეობებსა და საკრებულოების აპარატებში.
სასწავლო კურსის გავლის მსურველებმა უნდა გამოგზავნონ ელ-ფოსტაზე greencaucasus1999@gmail.com შემდეგი მონაცემები: მსურველის სახელი და გვარი; საცხოვრებელი ადგილის მისამართი; საკონტაქტო ტელეფონის ნომერი და ელ-ფოსტა; უმაღლესი სასწავლებელი/ფაკულტეტი/კურსი.
დამატებითი ინფორმაციისათვის დაეკონტაქტეთ პროექტის კოორდინატორს გიორგი აბულაძეს 598-677179.

ბლოგის სტატისტიკა

  • 16,455 მნახველი
Follow თეთრიწყარო on WordPress.com

სტატიები

არქივი