თეთრწყაროელებს რკინიგზის ხმაური არ შეაწუხებს

თბილისი–ახალქალაქი–ყარსის საერთაშორისი რკინიგზა, რომლის მშენებლობა ამჟამად მიმდინარეობს, ქ.თეთრიწყაროსა და ქ. წალკის მახლობლად გადის. ტვირთბრუნვის ზრდასთან ერთად გაიზრდება ხმაური, რომლის ინტენსივობა დასაშვებ ნორმას გადააჭარბებს ლიანდაგთან ახლოს მდგომ საცხოვრებელ სახლებში.
2007 წელს ადგილობრივმა არასამთავრობო ორგანიზაციამ „მწვანე კავკასია“ სთხოვა ოპერატორ კომპანიას (შპს „მარაბდა–კარწახის რკინიგზა“), პროექტირებისას გაეთვალისწინებინათ მოსახლეობის ხმაურისგან დაცვის ღონისძიებები, კერძოდ, რკინიგზასა და საცხოვრებელ უბნებს შორის გაშენებულიყო მწვანე ნარგავების ზოლი, ლიანდაგთან ახლოს მყოფ სახლებში დამონტაჟებულიყო მეტალოპლასტმასის კარ–ფანჯრები. მოქმედი კანონმდებლობა ინვესტორს არ ავალდებულებდა საზოგადოებასთან კონსულტაციებს პროექტის შედგენის სტადიაზე, მიუხედავად ამისა, „მწვანე კავკასიას“ მოსაზრებების გარემოზე ზემოქმედების შეფასების ანგარიშში გათვალისწინების აუცილებლობაზე მითითება საპროექტო ორგანიზაციას თავად შპს „მარაბდა–კარწახის რკინიგზის“ ხელმძღვანელობამ მისცა. პროექტის შედგენისას (სკოპინგის ეტაპზე) საზოგადოებრივი აზრის გათვალისწინების ამგვარი პრაქტიკა საქართველოში არ არსებობს, „მსოფლიო ბანკის“ და სხვა საერთაშორისო ინსტიტუტების დაფინანსებით მიმდინარე პროექტებიც კი მხოლოდ გარემოზე ზემოქმედების შეფასების ანგარიშის საჯარო განხილვით შემოიფარგლებოდნენ.
„მწვანე კავკასიამ“ ითანამშრომლა დამპროექტებელ ორგანიზაციასთან და მისი მოსაზრებები აისახა პროექტის გარემოზე ზემოქმედების შეფასების ანგარიშში, რომლის საჯარო განხილვა გაიმართა ქ.თეთრიწყაროში 2008 წლის ნოემბერში. აღნიშნული დოკუმენტით რკინიგზამ აიღო ვალდებულება, თეთრიწყაროში გააშენოს 2300 მ, ხოლო წალკაში 2645 მ სიგრძისა და 15 მ სიგანის გამწვანების ზოლი ლიანდაგზა და საცხოვრებელ უბნებს შორის, ლიანდაგიდან 155 მ მანძილზე მყოფ სახლებში კი დაამონტაჟოს მეტალოპლასტმასის ფანჯრები (თეთრიწყაროში 347 კვ.მ, წალკაში 185 კვ.მ.) რკინიგზიდან მომავალი ხმაურის ტალღის მხრიდან. ხმაურის დაცვის ღონისძიებების ღირებულება, 2008 წლის განფასებით, 762 920 აშშ დოლარს შეადგენს.
როგორც ჩვენთვის ცნობილი გახდა, ეს სამუშაოები უკვე ასახულია პროექტის ხარჯთაღრიცხვაში. რკინიგზიდან ხმაურის ემისიის შესამცირებლად ამგვარი ღონისძიებები, მარაბდა–კარწახის რკინიგზის შემდეგ, თბილისის შემოვლითი რკინიგზის პროექტშიც იქნა გათვალისწინებული.

მამუკა აბულაძე

წყარო:www.facebook.com/pages/მწვანე-კავკასია-Green-Caucasus/125143854182446

Advertisements

0 Responses to “თეთრწყაროელებს რკინიგზის ხმაური არ შეაწუხებს”



  1. კომენტარის დატოვება

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out /  შეცვლა )

Google+ photo

You are commenting using your Google+ account. Log Out /  შეცვლა )

Twitter picture

You are commenting using your Twitter account. Log Out /  შეცვლა )

Facebook photo

You are commenting using your Facebook account. Log Out /  შეცვლა )

w

Connecting to %s




ბლოგის სტატისტიკა

  • 16,860 მნახველი
Follow თეთრიწყარო on WordPress.com

სტატიები

არქივი

Advertisements

%d bloggers like this: